O peche de Pascual

A decisión do Grupo Leite Pascual de incluír nun expediente de regulación de emprego aos 155 traballadores da súa planta en Outeiro de Rei (Lugo) afecta a 332 gandeiros que producen 140 millóns de litros ao ano.

En opinión de XXAA, e a pesar de que desde Pascual fálase de que continuarán coa recollida aos gandeiros, esta factoría «antes ou despois abandonará a recollida a todos os gandeiros» e comprará «con prezos á baixa», dixo.

Os sindicatos apuntan á distribución como a gran responsable da crise que atravesa o sector lácteo, tanto para produtores como para industrias, e por iso demandan da Xunta que investigue tanto o «uso que fai os produtos lácteos» como a procedencia do leite.

Tras pedir ao Goberno central e autonómico que «salven» este centro lucense de Pascual, Bello alertou das dificultades no resto de industrias lácteas radicadas en Galicia que ademais, para «sobrevivir», fan marcas brancas que son «pan para hoxe e fame para mañá» e non diversifican a súa produción, o que «ten unha marxe e uns riscos». «á distribución non lle importa vender a perdas durante un tempo porque ten outros produtos» cos que recuperar o investimento a pesar de importar leite con prezos inferiores aos custos de produción, recalcou. Por iso, pediu á Xunta que active os servizos de inspección porque queremos que todo o que se comercialice sexa leite e queremos saber a súa procedencia.

UUAA tampouco se mostrou sorprendido polo ERE de Pascual, que demostra que a crise que vive o sector é moi complicada pero non exclusiva de produtores, senón que afecta ao conxunto do rural galego. Iglesias sinalou que Pascual é a única empresa de España que non fai marcas brancas, cuxo consumo se está incrementando probablemente pola situación económica xeneral, pero augurou as mesmas consecuencias para o resto de industrias se non se toman medidas.